Sonano Garbo Shire - Raas Garba Lyrics

Sonano Garbo Shire - Raas Garba Lyrics

સોનાનો ગરબો શિરે 

સોનાનો ગરબો શિરે
અંબે મા ચાલો ધીરે ધીરે
ચાલો ધીરે ધીરે ચાલો ધીરે ધીરે
ચાલો ધીરે ધીરે ચાલો ધીરે ધીરે
ચાલો ધીરે ધીરે ધીરે

લટકે મટકે રાસ રમે છે
દક્ષિણીના તીરે
અંબે મા ચાલો ધીરે ધીરે
ચાલો ધીરે ધીરે ચાલો ધીરે ધીરે
ચાલો ધીરે ધીરે ચાલો ધીરે ધીરે
ચાલો ધીરે ધીરે ધીરે

સોનાનો ગરબો શિરે
અંબે મા ચાલો ધીરે ધીરે

સખીઓ સંગે કેવા દીસે છે
ફરર ફૂદડી ફીરે
અંબે મા ચાલો ધીરે ધીરે
ચાલો ધીરે ધીરે ચાલો ધીરે ધીરે
ચાલો ધીરે ધીરે ચાલો ધીરે ધીરે
ચાલો ધીરે ધીરે ધીરે

સોનાનો ગરબો શિરે
અંબે મા ચાલો ધીરે ધીરે

ચૂંદડી ચટકે  મુખડું મલકે
હાર ગળા હેમ હીરે
અંબે મા ચાલો ધીરે ધીરે
ચાલો ધીરે ધીરે ચાલો ધીરે ધીરે
ચાલો ધીરે ધીરે ચાલો ધીરે ધીરે
ચાલો ધીરે ધીરે ધીરે

સોનાનો ગરબો શિરે
અંબે મા ચાલો ધીરે ધીરે

ઝાંઝ પખવાજ ને વીણા જંતર વાગે
વાગે મંજીરા ધીરે ધીરે
અંબે મા ચાલો ધીરે ધીરે
ચાલો ધીરે ધીરે ચાલો ધીરે ધીરે
ચાલો ધીરે ધીરે ચાલો ધીરે ધીરે
ચાલો ધીરે ધીરે ધીરે

સોનાનો ગરબો શિરે
અંબે મા ચાલો ધીરે ધીરે

BhidBhanjani Lyrics

ભીડભંજની 

શ્યામા સાંભળજો સાદ ભીડભંજની
અંબા અભયપદ દાયિની રે

અંબા અનાથોના નાથ ભીડભંજની
હેમ હિંડોળે હીંચતી રે

હીંચકે આરાસુરી માત ભીડભંજની
સખીઓ સંગાથે ગોઠડી રે

આવી આઠમની રાત ભીડભંજની
અંબા અભયપદ દાયિની રે

સર્વે આરાસુરી ચોકમાં રે

આવો તો રમીએ રાસ ભીડભંજની
એવે સમે આકાશથી રે

આવ્યો કરુણ પોકાર ભીડભંજની
કોણે બોલાવી મુજને રે

કોણે કર્યો મુને સાદ ભીડભંજની
મધ દરિયે તોફાનમાં રે

માડી ડૂબે મારું વ્હાણ ભીડભંજની
અંબા અભયપદ દાયિની રે

કીધી કમાણી શું કામની રે

જાવા બેઠા જ્યાં પ્રાણ ભીડભંજની
વાયુ ભયંકર ફૂંકતો રે

આ વેરી થયો વરસાદ ભીડભંજની
પાણી ભરાણાં વ્હાણમાં રે

એ કેમ કાઢ્યા જાય ભીડભંજની
આશાભર્યો હું તો આવિયો રે

વ્હાલા જોતાં હશે વાટ ભીડભંજની
અંબા અભયપદ દાયિની રે

હૈયું રહે નહિ હાથમાં રે

આજ દરિયે વાળ્યો દાટ ભીડભંજની
મારે તમારો આશરો રે

આવો આવોને મોરી માત ભીડભંજની
અંબા હિંડોળેથી ઊતર્યાં રે

ઊતર્યાં આરાસુરી માત ભીડભંજની
સખીઓ તે લાગી પૂછવા રે

તમે ક્યાંરે કીધાં પરિયાણ ભીડભંજની
અંબા અભયપદ દાયિની રે

વાત વધુ પછી પૂછજો રે

આજ બાળ મારો ગભરાય ભીડભંજની
ભક્ત મારો ભીડ પડિયો રે

હવે મારાથી કેમ ખમાય ભીડભંજની
કેમ કરી નારાયણી  રે

સિંહે   થયા  અસવાર  ભીડભંજની
ત્રિશૂળ લીધું હાથમાં રે

એવું તાર્યું વણિકનું વ્હાણ ભીડભંજની
અંબા અભયપદ દાયિની રે

એવું અમારું તારજો રે

માતા છો દીનદયાળ ભીડભંજની
ધન્ય જનેતા આપને રે

ધન્ય દયાના નિધાન ભીડભંજની
પ્રગટ પરચો આપનો રે

દયા કલ્યાણ ગુણ ગાય ભીડભંજની
ભીડ સેવકની ભાંગજો રે

આ સમરે કરજો સહાય ભીડભંજની
અંબા અભયપદ દાયિની રે
અંબા અભયપદ દાયિની રે

Kum-Kum Na Pagla Padya - Gujarati Raas Garba Lyrics

Kum-Kum Na Pagla Padya - Gujarati Raas Garba Lyrics 

કુમકુમના પગલાં પડ્યાં 

 કુમકુમના પગલાં પડ્યાં
 માડીના હેત ઢળ્યાં
 જોવા લોક ટોળે વળ્યાં રે
 માડી તારા આવવાના એંધાણ થયાં 

 માડી તું જો પધાર
 સજી સોળે શણગાર
 આવી મારે રે દ્વાર 
 કરજે પાવન પગથાર

 દીપે દરબાર
 રેલે રંગની રસધાર
 ગરબો ગોળ ગોળ ઘૂમતો
 થાયે સાકાર 
 થાયે સાકાર થાયે સાકાર 

 ચાચરના ચોક ચગ્યાં
 દીવડીયા જ્યોત ઝગ્યાં
 મનડાં હારોહાર હાલ્યાં રે
 માડી તારા આવવાનાં એંધાણ થયાં

 કુમકુમના પગલાં પડ્યાં
 માડીના હેત ઢળ્યાં 
 જોવા લોક ટોળે વળ્યાં રે
 માડી તારા આવવાના એંધાણ થયાં
 
 મા તું તેજનો અંબાર
 મા તું ગુણનો ભંડાર
 મા તું દર્શન દેશે તો
 થાશે આનંદ અપાર

 ભવો ભવનો આધાર
 દયા દાખવી દાતાર
 કૃપા કરજે અમ રંક
 પર થોડી લગાર  
 થોડી લગાર થોડી લગાર

 સૂરજના તેજ તપ્યાં
 ચંદ્રકિરણ હૈયે વસ્યાં
 તારલિયા ટમ ટમ્યાં રે
 માડી તારા આવવાનાં એંધાણ થયાં

 કુમકુમના પગલાં પડ્યાં
 માડીના હેત ઢળ્યાં 

 કુમકુમના પગલાં પડ્યાં
 માડીના હેત ઢળ્યાં
 જોવા લોક ટોળે વળ્યાં રે
 માડી તારા આવવાના એંધાણ થયાં 

 તારો ડુંગરે આવાસ
 બાણે બાણે તારો વાસ
 તારા મંદિરિયે જોગણિયું
 રમે રૂડા રાસ

 પરચો દેજે હે માત
 કરજે સૌને સહાય
 માડી હું છું તારો દાસ
 તારા ગુણનો હું દાસ
 ગુણનો હું દાસ, ગુણનો હું દાસ

 માડી તારા નામ ઢળ્યાં
 પરચાં તારા ખલકે ચડ્યાં
 દર્શનથી પાવન થયાં રે
 માડી તારા આવવાના એંધાણ થયાં 

 કુમકુમના પગલાં પડ્યાં
 માડીના હેત ઢળ્યાં
 જોવા લોક ટોળે વળ્યાં રે
 માડી તારા આવવાના એંધાણ થયાં 
 
 એક તારો આધાર
 તારો દિવ્ય અવતાર
 સહુ માનવ તણા માડી
 ભવ તું સુધાર

 તારા ગુણલાં અપાર
 તું છો સૌનો તારણહાર
 કરીશ સૌનું કલ્યાણ
 માત સૌનો બેડો પાર
 સૌનો બેડો પાર, સૌનો બેડો પાર

 માડી તને અરજી કરું
 ફુલડાં તારા ચરણે ધરું
 નમી નમી પાય પડું રે
 માડી તારા આવવાના એંધાણ થયાં 
 
 કુમકુમના પગલાં પડ્યાં
 માડીના હેત ઢળ્યાં
 જોવા લોક ટોળે વળ્યાં રે
 માડી તારા આવવાના એંધાણ થયાં 

Nadi Kinare Naliyeri Re - Gujarati Raas Garba Lyrics

Nadi Kinare Naliyeri Re - Gujarati Raas Garba Lyrics 

નદી કિનારે નાળિયેરી 

નદી  કિનારે  નાળિયેરી  રે ભાઈ નાળિયેરી રે
હો મારે કાળકા માને કાજ રે ભાઈ નાળિયેરી રે

પહેલું તે નાળિયેર નવરંગી રે ભાઈ નાળિયેરી રે
હો મારે કાળકા માને  કાજ રે ભાઈ નાળિયેરી રે
નદી  કિનારે  નાળિયેરી    રે ભાઈ નાળિયેરી રે

બીજું તે નાળિયેર નવરંગી રે ભાઈ નાળિયેરી રે
હો મારે બહુચર માને કાજ રે ભાઈ નાળિયેરી રે
નદી  કિનારે  નાળિયેરી  રે  ભાઈ નાળિયેરી રે

ત્રીજું તે નાળિયેર નવરંગી રે ભાઈ નાળિયેરી રે
હો મારે  અંબા માને કાજ  રે ભાઈ નાળિયેરી રે
નદી  કિનારે  નાળિયેરી   રે  ભાઈ નાળિયેરી રે

ચોથું તે નાળિયેર નવરંગી રે ભાઈ નાળિયેરી રે
હો મારે  મેલડી માને કાજ રે ભાઈ નાળિયેરી રે
નદી  કિનારે  નાળિયેરી  રે  ભાઈ નાળિયેરી રે

પાચમું તે નાળિયેર નવરંગી રે ભાઈ નાળિયેરી રે
હો મારે ખોડીયાર માને કાજ રે ભાઈ નાળિયેરી રે
નદી  કિનારે  નાળિયેરી   રે    ભાઈ નાળિયેરી રે

છઠ્ઠું તે નાળિયેર નવરંગી રે ભાઈ નાળિયેરી રે
હો મારે ચામુંડાને  કાજ  રે  ભાઈ નાળિયેરી રે
નદી  કિનારે  નાળિયેરી  રે ભાઈ નાળિયેરી રે

નદી  કિનારે નાળિયેરી   રે ભાઈ નાળિયેરી રે
હો મારે કાળકા માને કાજ રે ભાઈ નાળિયેરી રે

Sachi Re Mari Sat Re Bhavani Ma - Gujarati Raas Garba Lyrics

Sachi Re Mari Sat Re Bhavani Ma - Gujarati Raas Garba Lyrics

સાચી રે મારી સત રે ભવાની મા 

સાચી રે મારી સત રે ભવાની મા, અંબા ભવાની મા
હું તો તારી સેવા કરીશ  મૈયા લાલ
નવ નવ નોરતાં પૂજાઓ કરીશ મા
વિરાટનો ગરબો તારો ઝીલીશ મૈયા લાલ

સાચી રે મારી સત રે ભવાની મા, અંબા ભવાની મા

જ્યોતિમાં એક તારી છે જ્યોતિ
માતા સતનું ચમકે છે મોતી
માડી રે મારી શક્તિ ભવાની મા
હું તો તારી આરતી ઉતારું મૈયા લાલ

સાચી રે મારી સત રે ભવાની મા, અંબા ભવાની મા

શક્તિ રે તું તો જગની જનેતા મા
ભોળી ભવાની મા અંબા ભવાની માત
હું તો તારા પગલાં પૂજીશ મૈયા લાલ

સાચી રે મારી સત રે ભવાની મા, અંબા ભવાની મા

જગમાં તેં જ એક માયા રચાવી
દર્શન દેવા તું સામે રે આવી
માડી રે આવો રમવા ભવાની મા
હું તો તારાં વારણાં લઈશ મૈયા લાલ

સાચી રે મારી સત રે ભવાની મા, અંબા ભવાની મા

Rude Garbe Rame che Devi Ambika Lyrics - Gujarati Raas Garba

Rude Garbe Rame che Devi Ambika Lyrics - Gujarati Raas Garba 

રૂડે ગરબે રમે છે દેવી અંબિકા રે લોલ
પાય વાગે છે ઘુઘરીના ઘમકાર રે લોલ

રૂડે ગરબે રમે દેવી અંબિકા રે લોલ

આકાશમાંથી સૂર્ય જોવા આવીયા રે લોલ
સાથે દેવી રન્નાદેને લાવીયા રે લોલ

રૂડે ગરબે રમે દેવી અંબિકા રે લોલ

આકાશમાંથી ચંદ્ર જોવા આવીયા રે લોલ
સાથે દેવી રોહીણી ને લાવીયા રે લોલ

રૂડે ગરબે રમે દેવી અંબિકા રે લોલ

ઈંદ્રલોકમાંથી ઈંદ્ર જોવા આવીયા રે લોલ
સાથે દેવી ઈન્દ્રાણીને લાવીયા રે લોલ

રૂડે ગરબે રમે દેવી અંબિકા રે લોલ

સ્વર્ગમાંથી વિષ્ણુ જોવા આવીયા રે લોલ
સાથે દેવી લક્ષ્મીજીને લાવીયા રે લોલ

રૂડે ગરબે રમે દેવી અંબિકા રે લોલ

બ્રહ્મ લોકમાંથી બ્રહ્મ જોવા આવિયા રે લોલ
સાથે દેવી બ્રહ્માણીને લાવીયા રે લોલ

રૂડે ગરબે રમે દેવી અંબિકા રે લોલ

પાતાળમાંથી શેષ નાગ આવીયા રે લોલ
સાથે સર્વે નાગણીઓને લાવીયા રે લોલ.

રૂડે ગરબે રમે દેવી અંબિકા રે લોલ

Zule Zule Che Gabbarni Mat Lyrics - Gujarati Raas Garba

Zule Zule Che Gabbarni Mat Lyrics - Gujarati Raas Garba

ઝૂલે ઝૂલે છે ગબ્બરની માત અંબા ઝૂલે છે
ઝૂલે ઝૂલે છે ગબ્બરની માત અંબા ઝૂલે છે

માને  ઝૂલે તે ઝૂલવાની હોંશ ઘણી
ભક્તો  ઝૂલાવે  ખમ્મા  ખમ્મા કહી
ભક્તો ગાયે ને ખુશી થાય    અંબા ઝૂલે છે
ઝૂલે ઝૂલે છે ગબ્બરની માત અંબા ઝૂલે છે

માને  દરવાજે  નોબત ગડ ગડે
વળી શરણાયુંના સૂર સાથે ભળે
રાસ મસ્તીના સૂર સંભળાય  અંબા ઝૂલે છે
ઝૂલે ઝૂલે છે ગબ્બરની માત અંબા ઝૂલે છે

માએ  સોળ આભૂષણ  અંગે ધર્યાં
ભાલે કુમકુમ કેસરના અર્ચન કર્યાં
હાથે ખડગ ત્રિશુલ સોહાય   અંબા ઝૂલે છે
ઝૂલે ઝૂલે છે ગબ્બરની માત અંબા ઝૂલે છે

માને  તેજે  ભાનુ દેવ  ઝાંખા પડે
બ્રહ્મા, વિષ્ણુ, સદાશીવ જેવા ભજે
માની સૌ દેવો આરતી ગાય અંબા ઝૂલે છે
ઝૂલે ઝૂલે છે ગબ્બરની માત અંબા ઝૂલે છે

માજી ચાલે ત્યાં કુમકુમનાં પગલાં પડે
માજી બોલે ત્યાં મુખડેથી   ફૂલડાં ઝરે
ભક્તો જોઈને વિસરે ભાન   અંબા ઝૂલે છે 
ઝૂલે ઝૂલે છે ગબ્બરની માત અંબા ઝૂલે છે

માના  સોના-હીંડોળે   રત્નો  જડ્યાં
માંએ સાચાં મોતીના તોરણ બાંધ્યાં
મહીં ઝળકે છે  તેજ  અપાર અંબા ઝૂલે છે
ઝૂલે ઝૂલે છે ગબ્બરની માત અંબા ઝૂલે છે

આજ શોભા  આરાસુરની નવલી બની
આવો આવો સૌ નર નારી સાથે મળી
ગરબો ગાયે ને મા ખુશી થાય અંબા ઝૂલે છે
ઝૂલે  ઝૂલે  છે ગબ્બરની માત અંબા ઝૂલે છે

Asho Maso Sharad Punam Ni Raat

Asho Maso Sharad Punam Ni Raat

આસો માસો શરદ પૂનમની રાત 

આસો માસો શરદ પૂનમની રાત જો
 ચાંદલિયો ઊગ્યો રે સખી મારા ચોકમાં

સસરો મારો ઓલા જનમનો બાપ જો
 સાસુ રે ઓલા જનમની માવડી

જેઠ મારો અષાઢીલો મેઘ જો
 જેઠાણી ઝબૂકે વાદળ વીજળી

દેર મારો દેરાસરનો દેવ જો
 દેરાણી દેરાસર કેરી પૂતળી

નણંદ મારી વાડી માયલી વેલ જો
 નણદોઈ મારો પારસ પીપળો

પરણ્યો મારો સગી નણંદનો વીર જો
 તાણીને બાંધે નવરંગ પાઘડી

આસો માસો શરદ પૂનમની રાત જો
 ચાંદલિયો ઊગ્યો રે સખી મારા ચોકમાં

Gor Andhari Re Rataldima

Gor Andhari Re Rataldima

ઘોર અંધારી રે રાતલડીમાં 

ઘોર અંધારી રે  રાતલડીમાં નીકળ્યા ચાર અસવાર
ઘોર અંધારી રે  રાતલડીમાં નીકળ્યા ચાર અસવાર

લીલે  ઘોડે   રે  કોણ  ચડે  મા  રાંદલનો અસવાર
રાંદલ માવડી રે રણે ચડ્યાં મા સોળ સજી શણગાર
સવા  મણનું  રે   સુખલડું  મા  અધમણની  કુલેર
રમજો રમજો રે  ગોરણિયું  તમે રમજો  સારી રાત

ઘોર અંધારી રે  રાતલડીમાં નીકળ્યા ચાર અસવાર

કાળે  ઘોડે   રે   કોણ  ચડે  મા  કાળકાનો અસવાર
કાળકા માવડી રે રણે ચડ્યાં મા સોળ સજી શણગાર
સવા  મણનું  રે   સુખલડું   મા  અધમણની  કુલેર
રમજો રમજો રે   ગોરણિયું  તમે  રમજો સારી રાત

ઘોર અંધારી રે  રાતલડીમાં નીકળ્યા ચાર અસવાર

ધોળે  ઘોડે   રે  કોણ  ચડે  મા  બહુચરનો અસવાર
બહુચર માવડી રે રણે ચડ્યાં મા સોળ સજી શણગાર
સવા  મણનું  રે   સુખલડું   મા  અધમણની  કુલેર
રમજો રમજો રે   ગોરણિયું  તમે રમજો  સારી રાત

ઘોર અંધારી રે  રાતલડીમાં નીકળ્યા ચાર અસવાર

રાતે  ઘોડે   રે  કોણ  ચડે  મા  હર્ષદનો  અસવાર
હર્ષદ માવડી રે રણે ચડ્યાં મા સોળ સજી શણગાર
સવા  મણનું  રે  સુખલડું  મા  અધમણની  કુલેર
રમજો રમજો રે  ગોરણિયું  તમે રમજો સારી રાત

ઘોર અંધારી રે  રાતલડીમાં નીકળ્યા ચાર અસવાર
ઘોર અંધારી રે  રાતલડીમાં નીકળ્યા ચાર અસવાર

Range Rame Anande Rame

Range Rame Anande Rame

રંગે રમે આનંદે રમે
રંગે  રમે આનંદે રમે રે
આજ નવદુર્ગા રંગે રમે

આદિત્યે આવિયા અલબેલી
મંડપમાં  મતવાલા રે  ભમે
રંગે  રમે આનંદે રમે રે
આજ નવદુર્ગા રંગે રમે

સોળે શણગાર માના અંગે સુહાવે
હીરલા રતન  માને અરૂણા  સમે
આજ નવદુર્ગા રંગે રમે

મંગળવારે માજી છે ઉમંગમાં
ચાચર આવીને  ગરબે  રમે
આજ નવદુર્ગા રંગે રમે

બુધવારે માજી  બેઠા વિરાજે
રાસ વિલાસ માએ ગાયો છે
આજ નવદુર્ગા રંગે રમે

ગુરુવારે મા ગરબે રમે છે
ચંદન પુષ્પ તે માને  ગમે
આજ નવદુર્ગા રંગે રમે

શુક્રવારે માજી ભાવ ધરીને
હેતે  રમે  તે  માને   ગમે
આજ નવદુર્ગા રંગે રમે

શનિવારે  મહાકાળી  થયા  છે
ભક્ત ભોજન માને ગમતા જમે
આજ નવદુર્ગા રંગે રમે

વલ્લભ કહે માને ભાવે ભજો ને
રાસ વિલાસ  ગાયો સૌએ અમે
આજ નવદુર્ગા રંગે રમે  

Maro Sonano Gadulo Re

મારો સોનાનો, ઘડુલો રે

મારો સોનાનો, ઘડુલો રે
હા, પાણીડાં છલકે છે  હા,પાણીડાં છલકે છે

હે  ઘૂંઘટની ઓરકોર    હે  પાલવની  ઓરકોર
ગોરું મુખલડું મલકે છે  હા, પાણીડાં છલકે છે

હે પચરંગી પાઘડી વા'લાને બહુ શોભે રાજ
હે  નવરંગી ચૂંદડી   ચટકે ને મન મોહે રાજ

હે  ઘૂંઘટની ઓરકોર    હે  પાલવની  ઓરકોર
ગોરું મુખલડું મલકે છે  હા, પાણીડાં છલકે છે

મારો સોનાનો, ઘડુલો રે
હા, પાણીડાં છલકે છે  હા,પાણીડાં છલકે છે

હે અંગે અંગરખું   વા'લાને બહુ શોભે રાજ
હે રેશમનો ચણિયો  ચટકે ને મન મોહે રાજ

હે  ઘૂંઘટની ઓરકોર    હે  પાલવની  ઓરકોર
ગોરું મુખલડું મલકે છે  હા, પાણીડાં છલકે છે

મારો સોનાનો, ઘડુલો રે
હા, પાણીડાં છલકે છે  હા,પાણીડાં છલકે છે

હે માથડિયે ઝૂલફાં વા'લાને બહુ શોભે રાજ
હે  અંબોડે  ફૂલડાં  ચટકે  ને મન મોહે રાજ

હે  ઘૂંઘટની ઓરકોર    હે  પાલવની  ઓરકોર
ગોરું મુખલડું મલકે છે  હા, પાણીડાં છલકે છે

મારો સોનાનો, ઘડુલો રે
હા, પાણીડાં છલકે છે  હા,પાણીડાં છલકે છે

Rangtali Rangtali

Rangtali Rangtali

રંગતાળી રંગતાળી

રંગતાળી રંગતાળી  રંગતાળી  રે રંગમાં રંગતાળી
રંગતાળી રંગતાળી  રંગતાળી  રે રંગમાં રંગતાળી

રંગતાળી રંગતાળી  રંગતાળી  રે રંગમાં રંગતાળી
મા   ગબ્બરના    ગોખવાળી   રે રંગમાં રંગતાળી

મા   ચાચડના    ચોકવાળી    રે રંગમાં રંગતાળી
મા   મોતીઓના   હારવાળી   રે રંગમાં રંગતાળી

મા   ઘીના     દીવડાવાળી    રે રંગમાં રંગતાળી
મા   ચુંવાળના   ચોકવાળી    રે રંગમાં રંગતાળી

મા    અંબે     આરાસુરવાળી  રે રંગમાં રંગતાળી
મા    કાળી   તે  પાવાવાળી  રે રંગમાં રંગતાળી

મા   કલકત્તામાં  દિસે  કાળી   રે રંગમાં રંગતાળી
મા   અમદાવાદે    ભદ્રકાળી   રે રંગમાં રંગતાળી

મા   દૈત્યોને   મારવાવાળી   રે રંગમાં રંગતાળી
મા   ભક્તોને  મન  વહાલી   રે રંગમાં રંગતાળી

માએ  કનકનો ગરબો  લીધો   રે રંગમાં રંગતાળી
તેમાં રત્નનો   દીવડો  કીધો   રે રંગમાં રંગતાળી

માંહી  બત્રીસ બત્રીસ  જાળી   રે રંગમાં રંગતાળી
માંહી નાના  તે  વિધની ભાત રે રંગમાં રંગતાળી

માએ  શણગાર  સજ્યા સોળે   રે રંગમાં રંગતાળી
મા  ફરે રે  કંકુડાં ઘોળી         રે રંગમાં રંગતાળી

માને નાકે શોભે સોનાની વાળી રે રંગમાં રંગતાળી
ક્યાંય મળતી નથી જોડ તેની  રે રંગમાં રંગતાળી

માની ઓઢણીમાં વિવિધ ભાત્યું રે રંગમાં રંગતાળી
ભટ્ટ વલ્લભને  જોયાની  ખાંત્યુ રે રંગમાં રંગતાળી

રંગતાળી રંગતાળી  રંગતાળી  રે રંગમાં રંગતાળી

Zulan Morali Vagi Re, Rajana Kunwar

Zulan Morali Vagi Re, Rajana Kunwar

ઝૂલણ મોરલી વાગી રે, રાજાના કુંવર !
હાલો હાલો ને જોવા જાયેં રે

મોરલી વાગી રે, રાજાના કુંવર
ચડવા તે ઘોડો હંસલો રે, રાજાના કુંવર

પીતળિયા પલાણ રે
બાંયે બાજુબંધ બેરખા રે, રાજાના કુંવર

દસેય આંગળીએ વેઢ રે
માથે મેવાડાં મોળિયાં રે, રાજાના કુંવર

કિનખાબી સુરવાળ રે
પગે રાઠોડી મોજડી રે, રાજાના કુંવર

ચાલે ચટકતી ચાલ્ય રે
ઝૂલણ મોરલી વાગી રે, રાજાના કુંવર !

હાલો હાલો ને જોવા જાયેં રે
મોરલી વાગી રે, રાજાના કુવર

Mano Garbo Re Rame Rajne Darbar

માનો ગરબો રે , રમે રાજને દરબાર
 
 રમતો ભમતો રે આવ્યો કુંભારીને દ્વાર
 એલી કુંભારીની નાર તું તો સુતી હોય તો જાગ
 માને ગરબે રે રૂડા કોડિયાં મેલાવ

 માનો ગરબો રે , રમે રાજને દરબાર

 રમતો ભમતો રે આવ્યો સોનીડાને દ્વાર
 એલી સોનીડાની નાર તું તો સુતી હોય તો જાગ
 માને ગરબે રે રૂડા જાળીયા મેલાવ

 માનો ગરબો રે , રમે રાજને દરબાર

 રમતો ભમતો રે આવ્યો ઘાંચીડાને દ્વાર
 એલી ઘાંચીડાની નાર તું તો સુતી હોય તો જાગ
 માને ગરબે રે રૂડા દિવેલીયા પુરાવ

 માનો ગરબો રે, રમે રાજને દરબાર

Khamma Mara Nandjina Lal

ખમ્મા મારા નંદજીના

Nagar Nandaji Na Lal

        Nagar Nandaji Na Lal

        નાગર નંદજીના લાલ
        રાસ રમંતાં મારી નથડી ખોવાણી

 કાના ! જડી હોય તો આલ, કાના ! જડી હોય તો આલ
 રાસ રમંતાં મારી નથડી ખોવાણી

 પીળી પીળી નથડી ને ધોળાં ધોળાં મોતી
 તે નથડીને કારણ હું તો હીંડું ગોકુળ જોતી
 જોતી ... જોતી ... નાગર નંદજીના લાલ
 રાસ રમંતાં મારી નથડી ખોવાણી

 એક એક મોતી માંહી સોના કેરો તાર
 સોળસેં ગોપીમાં પ્રભુ ! રાખો મારો ભાર
 ભાર... ભાર ... નાગર નંદજીના લાલ
 રાસ રમંતાં મારી નથડી ખોવાણી

 નાનેરી પહેરું તો મારે નાકે નવ સોહાય
 મોટેરી પહેરું તો મારા મુખપર ઝોલાં ખાય
 ખાય... ખાય... નાગર નંદજીના લાલ
 રાસ રમંતાં મારી નથડી ખોવાણી

 આંબા પર કોયલડી બોલે વનમાં બોલે મોર
 રાધાજીની નથડીનો શામળિયો છે ચોર
 ચોર... ચોર... નાગર નંદજીના લાલ
 રાસ રમંતાં મારી નથડી ખોવાણી

 તું છે બેટી ભ્રખુભાણની ગોકુળ ગામમાં રે'તી
 ત્રણ ટકાની નથડી માટે મુજને ચોર કહેતી
 કહેતી ... કહેતી ... નાગર નંદજીના લાલ
 રાસ રમંતાં મારી નથડી ખોવાણી.

 તું છે લાલો નંદરાયનો હું આહીરની છોડી
 બાઇ મીરાં કે' ગિરધર નાગર મારી મતિ છે થોડી
 થોડી ... થોડી ... નાગર નંદજીના લાલ
 રાસ રમંતાં મારી નથડી ખોવાણી.

Ame Maiyara Re Gokul Gamna

Ame Maiyara Re Gokul Gamna 

અમે મૈયારા રે…ગોકુળ ગામનાં
 
અમે મૈયારા રે… ગોકુળ ગામનાં
મારે મહિ વેચવાને જાવા
મૈયારા રે… ગોકુળ ગામનાં

મથુરાની વાટ  મહિ  વેચવાને નીસરી
નટખટ એ નંદકિશોર માગે છે દાણ જી
હે… મારે દાણ દેવા, નઇ લેવા
મૈયારા રે… ગોકુળ ગામના

યમુનાને તીર વા’લો વાંસળી વગાડતો
ભુલાવી  ભાન  સાન  ઉંઘતી  જગાડતો
હે… મારે જાગી જોવું ને જાવું
મૈયારા રે… ગોકુળ ગામનાં

માવડી  જશોદાજી  કાનજીને વાળો
દુ:ખડા હજાર દીએ નંદજીનો લાલો
હે… મારે દુ:ખ સહેવા, નઇ કેહવા
મૈયારા રે… ગોકુળ ગામનાં

નરસિંહનો નંદકિશોર  નાનકડો કાનજી
ઉતારે આતમથી ભવ ભવનો ભાર જી
નિર્મળ હૈયાની વાત કહેવા
મૈયારા રે… ગોકુળ ગામનાં

અમે મૈયારા રે… ગોકુળ ગામનાં
મારે મહિ વેચવાને જાવા
મૈયારા રે… ગોકુળ ગામનાં

He Mare Mahishagar Ne Are Dhol Vage Se

He Mare Mahishagar Ne Are Dhol Vage Se

હે મારે મહિસાગરને આરે 
 
હે મારે મહિસાગરને આરે ઢોલ વાગે સે
વાગે સે, ઢોલ વાગે સે
હે મારે મહિસાગરને આરે ઢોલ વાગે સે

ગામ ગામનાં સોનીડા આવે સે
એ આવે સે, હુ લાવે સે
મારા માની નથણીયું લાવે સે
મારે મહિસાગરને આરે ઢોલ વાગે સે

ગામ ગામનાં સુથારી આવે સે
એ આવે સે, હુ લાવે સે
મારી માનો બાજોઠીયો લાવે સે
મારે મહિસાગરને આરે ઢોલ વાગે સે

ગામ ગામનાં દોશીડા આવે સે
એ આવે સે, હુ લાવે સે
મારી માની ચુંદડીયો લાવે સે
મારે મહિસાગરને આરે ઢોલ વાગે સે

હે મારે મહિસાગરને આરે ઢોલ વાગે સે
વાગે સે, ઢોલ વાગે સે
હે મારે મહિસાગરને આરે ઢોલ વાગે સે

Ek Canjari Zolan Zulti Ti

Ek Canjari Zolan Zulti Ti

એક વણઝારી ઝૂલણાં ઝૂલતી’તી
 
એક વણઝારી ઝૂલણાં ઝૂલતી’તી
મારી અંબેમાના ઝૂલણાં ઝૂલતી’તી

માએ પહેલે પગથીયે પગ મૂક્યો
માની પાની સમાણાં નીર મોરી મા
વણઝારી ઝૂલણાં ઝૂલતી’તી

માએ બીજે પગથીયે પગ મૂક્યો
માના ઘૂંટણ સમાણાં નીર મોરી મા
વણઝારી ઝૂલણાં ઝૂલતી’તી

માએ ત્રીજે પગથીયે પગ મૂક્યો
માના ઢીંચણ સમાણા નીર મોરી મા
વણઝારી ઝૂલણાં ઝૂલતી’તી

માએ ચોથે પગથીયે પગ મૂક્યો
માના સાથળ સમાણાં નીર મોરી મા
વણઝારી ઝૂલણાં ઝૂલતી’તી

માએ પાંચમે પગથીયે પગ મૂક્યો
માની કેડ સમાણાં નીર મોરી મા
વણઝારી ઝૂલણાં ઝૂલતી’તી

માએ છઠ્ઠે પગથીયે પગ મૂક્યો
માની છાતી સમાણાં નીર મોરી મા
વણઝારી ઝૂલણાં ઝૂલતી’તી

માએ સાતમે પગથીયે પગ મૂક્યો
માના ગળાં સમાણાં નીર મોરી મા
વણઝારી ઝૂલણાં ઝૂલતી’તી

માએ આઠમે પગથીયે પગ મૂક્યો
માના કપાળ સમાણાં નીર મોરી મા
વણઝારી ઝૂલણાં ઝૂલતી’તી

માએ નવમે પગથીયે પગ મૂક્યો
માના માથા સમાણાં નીર મોરી મા
વણઝારી ઝૂલણાં ઝૂલતી’તી

Tu Kali ne Kalyani Re Ma

Tu Kali ne Kalyani Re Ma

તું કાળી ને કલ્યાણી રે મા  

તું કાળી  ને  કલ્યાણી રે મા,  જ્યાં જોઉં ત્યાં જોગમાયા
તું ચારે યુગમાં ગવાણી રે મા, જ્યાં જોઉં ત્યાં જોગમાયા

તને પહેલાં તે યુગમાં જાણી રે મા, જ્યાં જોઉં ત્યાં જોગમાયા
તું    શંકરની    પટરાણી   રે મા, જ્યાં જોઉં ત્યાં જોગમાયા
તું    ભસ્માસુર   હરનારી   રે મા, જ્યાં જોઉં ત્યાં જોગમાયા

તને બીજા તે યુગમાં જાણી રે મા, જ્યાં જોઉં ત્યાં જોગમાયા
તું  હરિશ્ચંદ્ર  ઘરે  પટરાણી  રે મા, જ્યાં જોઉં ત્યાં જોગમાયા

તને ત્રીજા તે યુગમાં જાણી રે મા, જ્યાં જોઉં ત્યાં જોગમાયા
તું  રામચંદ્ર  ઘેર  પટરાણી રે મા, જ્યાં જોઉં ત્યાં જોગમાયા
તું  રાવણને   રોળનારી    રે મા, જ્યાં જોઉં ત્યાં જોગમાયા

તને ચોથા તે યુગમાં જાણી રે મા, જ્યાં જોઉં ત્યાં જોગમાયા
તું   પાંડવ  ઘેર   પટરાણી રે મા, જ્યાં જોઉં ત્યાં જોગમાયા
તું   કૌરવકુળ    હણનારી  રે મા, જ્યાં જોઉં ત્યાં જોગમાયા

તું કાળી ને કલ્યાણી રે મા, જ્યાં જોઉં ત્યાં જોગમાયા